Δαφνη Ευτυχια Αρθουρος

"Extempore In The Court Of Session" by Robert Burns (b. 1759-01-25, d. 1796-07-21)

Lord Advocate
He clench'd his pamphlets in his fist,
He quoted and he hinted,
Till in a declamation-mist
His argument, he tint it:
He gaped for't, he graped for't,
He fand it was awa, man;
But what his common sense came short,
He eked out wi' the law, man.

Mr. Erskine
Collected, Harry stood awee,
Then open'd out his arm, man;
His Lordship sat wi' ruefu' e'e,
And ey'd the gathering storm, man;
Like wind-driv'n hail it did assail,
Or torrents owre a linn, man;
The Bench sae wise lift up their eyes,
Hauf-wauken'd wi' the din, man.